The Thomson Corporation

The Thomson Corporation
Datuak
Mota	negozioa eta enpresa
Herrialdea	Kanada
Eskumendekoak	Brooks/Cole Publishing (en)
Agintea
Egoitza nagusi	Toronto;
Egoitza nagusi	Stamford;
Legezko forma	akzio konpainia
Historia
Sorrera	1989
Ordezkatzen du	Informazio Zientifikorako Institutua
Ondorengoak	Thomson Reuters
Desagerpena	2008
	webgune ofiziala;

The Thomson Corporation munduko informazio enpresa handienetako bat zen. Thomson aktiboa izan zen finantza zerbitzuetan, osasunean, zuzenbidean, zientzietan eta teknologia-ikerkuntzan, zergetan eta kontabilitatean. Konpainiak bost segmentu zituen: Thomson Financial, Thomson Healthcare, Thomson Legal, Thomson Scientific eta Thomson tax & Accounting.

2007ra arte, The Thomson Corporation munduko hezkuntzako goi mailako testuliburuen, informazio akademikoko soluzioen eta erreferentziazko materialen hornitzaile nagusienetako bat izan zen. 2006ko urriaren 26an, Thomsonek Thomson Learning aktiboen salmenta proposatu zuen. 2007ko maiatzean, Thomson Learning Apax Partners-ek eskuratu zuen eta uztailean Cengage Learning izena hartu zuen.^[1] Ondoren, 2007ko urriaren 15ean, Educational Testing Service (ETS), mundu mailako ikerketaren eta ebaluazioaren arloko liderrak, Thomson Prometric erosketa burutu zuen. Thomsonek mundu osoko 135 herrialdetako test zentroen sarea saldu zuen, 435 milioi dolarretan. Prometric ETSren jabetzakoa den filiala da orain. ^[2]

2007ko maiatzaren 15ean, Thomson Corporation-ek Reuters-ekin akordioa lortu zuen bi konpainiak bateratzeko, 17,2 mila milioi dolarreko balioa zuen operazioa. 2008ko apirilaren 17an, enpresa berria Thomson Reuters izenarekin sortu zen. Thomson Reuters buru berria Tom Glocer da, Reuters-eko buruzagi ohia.

Ofizialki Kanadako konpainia izanik, Thomson Stamford-en (Connecticut) zuen egoitza operatiboa, baina Kanadako jabetzakoa izan zen.